ODA Á BELEZA DA PALABRA
Só a palabra vale. Unicamente
ela ilumina o mundo,
dalle claridade ás cousas
e fai nídia e intelixíbel
a confusa escuridade do noso
ser, mortal e indeciso.
Todo muda. Somente a palabra
permanece, na súa infinitude,
se leva dentro de si a chama
que un día queimou, con
lúcida paixón e con verdade,
a desolada flor da nosa vida.
Manuel María.
Sem comentários:
Enviar um comentário
Nota: só um membro deste blogue pode publicar um comentário.